கிட்டி திரைப்படம் குற்றம், காதல் மற்றும் விசாரணையை மையமாகக் கொண்ட ஒரு திரில்லர் கதையாக உருவாகியுள்ளது. திருமேனன் தயாரிப்பில், ரியா ஸ்ரீ கிரியேஷன்ஸ் சார்பில் உருவாகியுள்ள இப்படத்தை நெடுமாறன் எழுதி இயக்கியுள்ளார். அசோக் இப்படத்தில் விஜய் என்ற ஆட்டோ ஓட்டுநர் கதாபாத்திரத்தில் நடித்துள்ளார். விஜயின் மனநிலை மற்றும் அதனால் ஏற்படும் குழப்பங்களே கதையின் முக்கிய அம்சமாக அமைந்துள்ளன. கதர் இசையமைத்துள்ளார். குற்றம், காதல், நீதிமன்ற விசாரணை மற்றும் போலீஸ் இன்வெஸ்டிகேஷன் என பல அம்சங்களை இணைத்து படம் நகர்கிறது. படம் தொடங்கும்போதே விஜய் காவல் நிலையத்திற்குச் சென்று சரணடைகிறார். தான் சிவா மற்றும் பூஜாவைக் கொலை செய்துவிட்டதாக அவர் ஒப்புக்கொள்கிறார். பூஜா கதாபாத்திரத்தில் நிஷா இஷ்மீத் நடித்துள்ளார். வட இந்தியாவைச் சேர்ந்த பூஜாவுக்கும், ஆட்டோ ஓட்டுநரான விஜய்க்கும் இடையே காதல் உருவாகிறது. நீதிமன்ற விசாரணையின்போது பூஜா தன்னை ஏமாற்றிவிட்டதாக விஜய் கூறுகிறார். இதையடுத்து, இருவருக்கும் இடையே காதல் எப்படி உருவானது என்பதை படம் பின்னோக்கி சென்று காட்டுகிறது. பூஜா தமிழைக் கற்றுக்கொள்ள முயற்சி செய்வதும், விஜய் இந்தி கற்றுக்கொள்வதும் இருவரும் ஒருவரை ஒருவர் புரிந்துகொள்ள மேற்கொள்ளும் முயற்சியை அழகாக வெளிப்படுத்துகிறது. அதே நேரத்தில், பூஜாவின் தந்தை விஜயை காதலில் இருந்து விலகச் சொல்லி சிவாவை அனுப்பியதாகவும், அதன் காரணமாகவே சிவாவை கொலை செய்ததாகவும் விஜய் கூறுகிறார்.
வழக்கு தொடர்ந்து நகரும்போது, போலீசார் விஜயின் பின்னணி மற்றும் அவருடைய செயல்பாடுகள் குறித்து விசாரணை நடத்துகின்றனர். அப்போது விஜயின் மனநிலை தொடர்பாக மருத்துவரிடம் விசாரணை நடத்தப்படுகிறது. சில சம்பவங்களை விஜய் உண்மையாக நடந்ததாக நினைக்கும் அளவுக்கு அவரது மனநிலை பாதிக்கப்பட்டிருப்பது தெரிய வருகிறது. இதனால் விஜய் கூறும் தகவல்கள் உண்மையா அல்லது அவரது கற்பனையா என்ற சந்தேகம் போலீசாருக்கும் ஏற்படுகிறது. இதற்கிடையில் நீதிமன்றத்தில் மற்றொரு அதிர்ச்சியான திருப்பம் வருகிறது. மஹா என்ற கதாபாத்திரத்தில் நடித்துள்ள சாங்கவி தர்மராஜ், விஜயை தன்னுடைய வாழ்க்கையில் பார்த்ததே இல்லை என்றும், அவருடன் எந்தவிதமான காதல் உறவும் இருந்ததில்லை என்றும் கூறுகிறார். மேலும், தான் திருமணம் செய்ய தயாராக இருப்பதாகவும், தனது எதிர்கால வாழ்க்கையில் எந்த பிரச்சனையும் ஏற்படக்கூடாது என்றும் தெரிவிக்கிறார். ஆனால் விஜய் இதற்கு முற்றிலும் மாறான தகவலை கூறுகிறார். தான் மஹாவை காதலித்ததாகவும், அவர் தன்னை ஏமாற்றிவிட்டு வேறு ஒருவரை திருமணம் செய்யப் போவதாகவும் விஜய் கூறுகிறார். இதன் காரணமாக மஹாவையும் கொலை செய்ததாக அவர் தெரிவிக்கிறார். ஆனால் அதிர்ச்சியளிக்கும் வகையில் மஹா உயிருடன் இருக்கிறார். இதனால் விஜயின் வாக்குமூலம் மேலும் குழப்பத்தை ஏற்படுத்துகிறது.
விசாரணை தீவிரமடையும் நிலையில், வழக்கின் உண்மையான பின்னணி கொஞ்சம் கொஞ்சமாக வெளிவருகிறது. நீதிமன்ற விசாரணையின் மூலம் விஜய் உண்மையான கொலையாளி இல்லை என்பதும், ராஜா என்ற மற்றொரு ஆட்டோ ஓட்டுநர்தான் குற்றத்திற்கு காரணம் என்பதும் தெரிய வருகிறது. ராஜா கதாபாத்திரத்தில் அர்ஜூனா துரைசாமி நடித்துள்ளார். விஜயின் மனநிலையே இந்த வழக்கை புரிந்துகொள்வதில் முக்கியமானதாக மாறுகிறது. சில சம்பவங்களில் தான் நேரடியாக சம்பந்தப்பட்டதாக விஜய் நம்பும் காட்சிகள் திரையில் காட்டப்படுகின்றன. இதனால் உண்மையில் என்ன நடந்தது, விஜயின் மனதில் என்ன உருவானது என்பதை பிரித்துப் பார்ப்பது சவாலாகிறது. விஜயின் மனநிலையை உண்மையான குற்றவாளி தனக்கு சாதகமாக பயன்படுத்திக் கொண்டிருப்பது படத்தின் மூலம் தெரிய வருகிறது. விஜய் எப்படி இந்த வழக்கில் சிக்கினார், உண்மையான குற்றவாளி யார் என்பதே கதையின் முக்கிய மர்மமாக மாறுகிறது. மாறுபட்ட வாக்குமூலங்கள், ஆதாரங்கள் மற்றும் அடுத்தடுத்த திருப்பங்கள் மூலம் விசாரணை நகர்கிறது. விஜயின் மனநிலை காரணமாக உண்மைக்கும் கற்பனைக்கும் இடையிலான எல்லை தெளிவாக தெரியாமல் போகிறது. இதுவே கிட்டி படத்தின் முக்கியமான சஸ்பென்ஸ் அம்சமாக அமைந்துள்ளது.
விஜய் கதாபாத்திரத்தில் அசோக் சிறப்பான நடிப்பை வழங்கியுள்ளார். கதாபாத்திரத்தின் குழப்பமான மனநிலையையும், அதனால் ஏற்படும் உணர்ச்சிகளையும் தனது நடிப்பின் மூலம் நன்றாக வெளிப்படுத்துகிறார். காதல் காட்சிகள், நடனக் காட்சிகள் மற்றும் சண்டைக் காட்சிகளிலும் அவரது நடிப்பு கதாபாத்திரத்திற்கு கூடுதல் வலு சேர்க்கிறது. பூஜாவாக நிஷா இஷ்மீத், மஹாவாக சாங்கவி தர்மராஜ் மற்றும் தீப்தியாக சிமு அத்வானி ஆகியோர் தங்களுக்குக் கொடுக்கப்பட்ட கதாபாத்திரங்களை இயல்பாக கையாண்டுள்ளனர். ராஜா கதாபாத்திரத்தில் அர்ஜூனா துரைசாமி விசாரணையின் முக்கிய பகுதியாக இடம்பெற்று, வழக்கைச் சுற்றியுள்ள மர்மத்தை அதிகரிக்கிறார். நீதிபதி கதாபாத்திரத்தில் வரும் கீ மகேந்திராவின் காட்சிகளும் அளவாகவும் பொருத்தமாகவும் அமைந்துள்ளன.
மொத்தத்தில், கிட்டி காதல், கொலை, நீதிமன்ற விசாரணை மற்றும் உளவியல் அம்சங்களை இணைத்து உருவாக்கப்பட்டுள்ள கிரைம் இன்வெஸ்டிகேஷன் திரைப்படமாக உள்ளது. தன்னுடைய மனநிலையை மற்றொருவர் தனக்கு சாதகமாக பயன்படுத்தியதால், தான் செய்யாத குற்றங்களை செய்ததாகவே நம்பும் ஒரு அப்பாவி மனிதனின் கதையை மையமாக வைத்து படம் உருவாக்கப்பட்டுள்ளது. நெடுமாறனின் எழுத்தும் இயக்கமும் கதையை மர்மம் மற்றும் விசாரணையைச் சுற்றியே பயணிக்கச் செய்கின்றன. கதரின் இசையும் காட்சிகளுக்கு தேவையான ஆதரவை வழங்குகிறது. மாறுபட்ட வாக்குமூலங்கள், எதிர்பாராத திருப்பங்கள் மற்றும் உளவியல் ரீதியான குழப்பங்கள் மூலம் கிட்டி படம் முழுவதும் ஒரு முக்கியமான கேள்வி
Ratings – 3.2/5
